Швајнштајгер: ,,За Подолски е најдобро да си замине"

Соиграчот на Лукас Подолски во Баерн Минхен- Бастијан Швајнштајгер, изјави дека за неговиот клубски колега би било најдобро да си замине од ,,Алијанц Арената". Швајнштајгер во медиумите изрази загриженост дека доколку Подолски продолжи да ја грее клупата на ,,Баварците'', ќе ја испушти шансата да се развие во првокласен голгетер. Според Швајнштајгер, Подолски веќе еднаш ја пропуштил можноста за заминување кога одбил сума од 20 милиони фунти но истовремено тој смета дека се уште не е доцна за неговиот колега да направи трансфер во некој друг елитен клуб.