"Вардар-Тоа сме ние"

Промовиран иницијативниот одбор за спас на Вардар . На прес конференцијата овој иницијативен одбор ја најави својата активност со која се планира средување на состојбите во нашиот најтрофеен и најпознат фудбалски колектив. Овој иницијативен одбор е составен од фудбалските легенди на Вардар , навивачите на овој клуб како и сите оние кои во срце го носат овој клуб.

Според најавата прва актовност на овој иницијативен одбор е да се подготви терен за организирање на вонредно собрание со што ќе се формира ново раководтсво за подобро утре на Вардар. „Вардар – Тоа сме ние“ е логото кое го носи овој иницијативен одбор кој веќе од следниве денови ги започнува активностите за промена на раководството и за средување на состојбата во ФК Вардар со бојкотирање на сите натпревари кои ќе ги игра Вардар, но исто така и со собирање на потписи со кој граѓаните ќе го дадат својот придонес за спас на ФК Вардар.

Иницијативниот одбор планира отворање на книги за потписи кои ќе бидат поставени на фрекфентни локации со што планираат до мај да бидат собрани 50 000 потписи со што планираат да извршат притисок кон раководството на Вардар да се одлучи да свика собрание за разрешување на состојбата. Иницијативниот одбор за спас на Вардар планира да донесе нови спонзорски имиња во клубот кои би го ставиле на цврсти нозе клубот и за неколку години да го однесат во Лигата на шампионите. Навивачите на клубот сакаат и тие да бидат дел од раководството по истиот терк како во најголемите европски екипи.